|
 |
Corteo degli sposi e testamento |
| Martedì 24 febbraio 2009 ore 12.00 |
|
Lettura del Testamento di Sior Anzoleto Postier
Scritto da Gilberto Sgualdini Concitadini zovini e veci, mofalconesi indigeni e
oriundi, son rivà e son contento de veder tanti bisiachi cussì bei
ciari e contenti. E si
perché ultimamente co vegno in piassa ve vedo sempre cussì scuri in
facia, ma dopo penso che forse sarà perché semo carighi de pensieri,
i schei dura sempre meno e la roba costa sempre de più, dopo te
varde la television e li i te dise che la borsa de Tokio va so, ma
vara ti no go un che ciama due e go de preocuparme anche dei
giaponesi? Concitadini l’altro ano iera
la crisi e ierimo co l’acqua a la gola, sto ano xe la recession e
semo nela merda fin tale rece. L’unico che no se preocupa più che tanto xe al
nostro capo de la magnadora granda: Sansone! E si al xe proprio come
Sansone, più che al sta là più cavei in testa al ga, ogni volta che
al fa fora un de quei contro de lu, al meti in testa do eti de cavei.
Se quei altri va vanti cussì, fra do ani el ga una cavelara come i
Cugini de campagna. Concitadini, bisiachi e non, dovè essar orgogliosi
de Mofalcon parchè par de no, ma noi femo scola nel mondo, par farve
capir ve faso un esempio: gavevimo un assessor abbronzà? Taac, butà
via. Gavevimo un assessor che fumava? Taac, butà via. E i americani
cossa i fa? I fa un presidente abbronzado che al te dise: “yes we
can”. Anche in Italia però se difendemo basta però che
noi fassi capele come a Milan, che gavendo bisogno de un assessor a
la cultura, i ghe gaveva consiglià a Parlando de una sindachessa me vien in mente la
nostra, che ghe toca esser a far presenza par tute le manifestassion
se no no xe mai nissun a rapresentar Concitadini, semo tuti preocupadi perché semo
sempre più cagai de paura, rapine, furti, stupri, sassini, droga par
tuti i cantoni, anca i li ciapa i colpevoli, i li meti dentro, i ghe
da la marenda e dopo i li tira fora. Desso però se podarà ver le
ronde in giro par la città, qua però xe za tanto che le gavemo,
gavemo za i nostri citadini che fa le ronde, a dir al vero ghe ne xe
due. Una interna a Mofalcon, l’altra esterna. La prima interna la fa: bar S.Marco, Deo, Enoteca,
Cantinetta, Formica, Berto, Vitigno, Refolo e ritorno. L’esterna, la
fa privata Fontana, Colautti, Poles, Ferletic, Andreos, Tonut, Iuri,
Jarc, Rusic…solo che quando i carabinieri i li ferma par domandarghe
come che xe i ghe dise e
no bei… noi no femo sofiade. Però no bisogna preocuparse perché tal giornal
iera scrito che il Comune ha pronto il nuovo piano sicurezza,
saranno messe più telecamere intelligenti e vigili notturni. Scuseme,
sensa offesa, ma no saria meio telecamere notturne e più vigili
intelligenti. A proposito, xe meio che ve averto, ste atenti
perché i mete vicin dei cassoneti de le scovasse i vigili in
borghese par darghe la multa a chi che no fa la racolta diferensiata
i ga dito che i farà anche dei travestimenti e alora ste tenti, se
casomai vedè vicin i cassoneti una pantigana, pol essar una
vigilessa. Concitadini, parlo de scovasse e subito me vien in
mente cossa che posso lassarve, concittadini, ve posso lassar al
nostro mar, cussi bel de vardar ma che no se pol tocar. Anca sto ano
no xe mancadi studi e perissie su come far parchè al nostro mar sia
neto, una dele conclusion sentide in Comun iera, spetè che ve la
digo ben: “I problemi sono dovuti ad una lama superficiale d’acqua
inquinata della profondità di circa Visti i discorsi, ve lasso Lavori, lavori, alora ve lasso al sotopasso. I
gaveva paura de intasar le strade e alora i gaveva pensà de far la
strada a senso unico, dopo de zontar una corsia su quel’altra
strada, ta l’ultimo i se la ga sugada co una rotondina che nel ben e
nel mal, la faseva al so lavor e dopo i primi tempi andava bastansa
ben, però visto al risultato i ga dito: cio, visto che funsiona,
cossa podemo far par romperghe le bale ai citadini? Taac i se ga
inventà al spartitrafico davanti l’Emisfero. Cussi adesso no vien
gnanca più le giostre a Mofalcon parchè i disi: ma cossa andemo far
la, i ga i autiscontri in via primo Magio, l’autopista davanti
l’Emisfero, le montagne russe tai marciapie de le magnolie, ogi
doman riverà i calci in culo tal Comun, tanto val gnanca andar. A proposito de andar, ve lasso la benzina de zona
franca che no xe più e ve lasso la benzina agevolata che no sarà
più, i ga dito che i la cava perché al presso no xe adeguado ale
norme europee, però possibile che noi se pensi mai de aumentar le
paghe per meterle in norma co quele europee o de calar quele dei
nostri politici che xe le più alte de tuti. Par adiritura che i
sloveni i ga verto aposta subito oltre e vissin i bensineri un
grando supermercato, e i fa anca la publicità:”Venite in Qulandia”
forse i ne ciol pel cul, ma forse i ga anca rason parchè me sa che i
ne sta inqulandiando ben e no mal. Però ve lasso le nove agevolassion: la social
card, la carta de credito dei poveri e visto che i poveri no ga
schei, anca quele no ga schei, no te pol doprarle parchè nissun te
la ciol e cussì tuto al tempo che te ga perso in sala Bingo par
fartela dar, te podeve passarlo a portar a spasso al careto svodo
par i centri commerciai. Go dito sala Bingo ma i te la dava in Posta
che tanto ormai xe uguale, anche la xe solo question de fortuna se
te ciol al bilieto cula A i ciama solo che le C, se te ciol al
bilieto cula C i ciama le H, se finalmente te toca quasi a ti e te
son za pronto par sigar ecome, te ga de spetar che le se sistemi i
cavei, che le se nete i ociai, la pausa cafè, la pausa pissin, la
visita a le colleghe e dopo un ora te son fora. L’altro giorno go
incontrado un che al me ga dito che el iera vegnù a tirar la pension
e mi conossendolo ghe go domandà come mai al iera cior la pension
visto che ghe mancava ancora do ani de lavor e lu al me ga risposto:
“Me manca si, ma ora che i ciama al mio numero la fa ora rivar!” Dal tuto pien al meso svodo, ve lasso la casa de
riposo mesa svoda no parchè manca i veci che ga bisogno ma perché
manca i schei par meterla in regola. La siora Gigia de otantasinque
ani, che se do ani che la speta un posto la me ga domandà come mai
che no i la mete a posto e mi ghe go dito che intanto i gaveva
sistemà al teatro e se la voleva la portavo a vedar, cussì la go
portada proprio co iera le giornade cui poeti, ela xe stada li e co
la go portada casa la me ga dito:”Però, no iera mal, xe bel durmir
coi altri, però al pranzo a che ora lo porta?” A proposito adess i rugna e i sbruntula che no ghe
xe più soldi par far quele bele giornade de poesia pakistana o
senegalese, e no xe gnanca schei par far quei bei concerti de
tamburi turchi e congolesi, e no ghe sarà gnanca par far la note
bianca parchè i ghe da tuto par far al Carneval de Mofalcon e che xe
vergognoso che Maestro, visto che gavemo fato trenta, femo
trentaun, dato che dopo al venti del mese no gavemo più un e che de
tuti quei che i parla no gavemo visto un, taca banda cussi i verse
la boca par cantar che xe meio… |
|
|||